Daxuyaniya Serokatiya Encûmena Wezîrên Kurdistan: “Erkê Kontrolkirina Hukumetê ê Parlemana Kurdistanê ye!”

612

Serokatiya Encûmena Wezîrên Herêma Kurdistanê daxuyanek weşand û daxwaz ji hemû alîyên sîyasî ên di Hukumet û Parlamena Kurdistanê de beşdarin, kir ku bicivin…

Di daxuyanîyê de wisa tê gotin:

Deqê daxuyaniya Serokatiya Herêma Kurdistanê:

Ev maweyeke aliyên siyasî yên başdarî hikûmet û parlemena Herêma Kurdistanê, li ser kanalên ragehaninê boçûn û nerînên cuda derbarê qeyranên Herêma Kurdistanê û şêweyê çareseriya wan û herwiha derbarê mijara daht û xerciyên Herêma Kurdistanê derdibirin.

Serokatiya Encûmena Wezîrên Herêma Kurdistanê dibîne ku baştire jibo eşkerekirina data û zaniyariyên durust û fermî derbarê qeyranan, hemû aliyên siyasî yên beşdarî hikûmet û parleman vexwendî civînek fireh bike û li ser van mijaran û li ser hemû data û zaniyariyan û pêngavên hikûmetê jibo çaksaziyê gotûbêjan bike, da em hemû pêkve jibo berjewendiyên giştî kar bikin û li gorî bernameykê em hemû qeyranan derbasbikin.
Serokatiya Encûmena Wezîrên Herêma Kurdistanê
17.09.2016 (Basnews) “

Belê pêwîste hemû alîyên sîyasî ên Kurdistanê, kom bibin, civînan bikin û li ser rewşa Kurdistanê biaxivin. Heke heta niha kom nabin ev yeka hanê çevtîyek mezine. Ev saleke Parlamena Kurdistanê kom nabe… Ev çend meh in Encumena Wezîrên Kurdistanê kom nabin!!!

Di vê daxuyanîya Serokatiya Encûmena Wezîrên Herêma Kurdistanê de xeletîyek mezin heye.

Erkê kontrolkirina Hukumeta Kurdistanê û çalakîyên hukumetê li ser milê Parlamena Kurdistanê ye. Li pêş ku Parlamena Kurdistanê bête ruxandin/bêkarhîştin, çend caran Parlamenê gazî hinek wezîran kir jib o parlamenê… Lê sed û mixabin Serokatiya Encûmena Wezîrên Herêma Kurdistanê rê ne da wezîr biçin ji bo Parlemanê… Parleman ji alîyê gelê Kurdistanê ve hate hilbijartin û di desturê de erk û karên Parlemanê hatine destnîşankirin..

Bila alîyên sîyasî ên Kurdistanê di nav xwe de kombibin.. Heger kom nabin ev kêmasîya wan e..

Lê alîyên sîyasî, serok û rêvebirên Partîyên sîyasî  bedilê Parlemana Kurdistanê nînin.  Pêwîste Parlemana Kurdistanê bête çalakkirin… Parleman bangî  Serokê Wezîran, Cîgirê Serokê Wezîran, Wezîrê Samanên Surîştî û Wezîrê Darayî ji bo Parlamenê bike…

Heke hizbên sîyasî û serok û rêberên wan hizban dewsa Parlemanê bigirin(destûrî  jî  nîne!!!) em bi vî şiklî rê ji bo hinek girûgirftên din vedikin..

Aso Zagrosî